Tuesday, 17 November 2015

އޮންލައިންކޮށް އުނގެނުން


                        `

 އަޅުގަނޑުގެ މިއެސައިމެންޓަކީ އެޑިޔުކޭޝަނަލް ޓެކްނޮލެޖީ،މިމާއްދާ ކިޔަވައިދެއްވާ އުސްތާޖު ދެއްވާފައިވާ، ސުރުޚީތައް ގްރޫޕުގެ ބައިވެރިންގެ މެދުގައި ބަހައިލުމަށްފަހު،ލިބުނު ސުރުޚީކަމަށްވާ" އޮންލައިންކޮށް އުނގެނުމުގެ / ތަޢުލީމުގެ ފުރުޞަތު (ހިލޭ) ލިބިދޭ ބައެއްސައިޓްތައް" މިސުރުޚީއަށް ހަދާފައިވާ އެސައިމެންޓެކެވެ.އެވެ. މިއެސައިމެންޓުގައި އިންޓަރ ނެޓުބޭނުންކޮށްގެން ކިޔަވައިދިނުމުގައި ބޭނުންކުރެވޭ ބައެއް ސޮޕްޓުވެއަރ ތަކުގެ މައްޗަށް ބަލާލެވިފައިވާނެވެ. މިގޮތުން އޮންލައިންކޮށް ކިޔެވުމަކީ ކޮބައިކަން،އޮންލައިންކޮށް ކިޔެވުމަށް މަގުފަހިކުރުވާ ބައެއްސައިޓްތައް ، އަދި އެސައިޓްތަކުން ކިޔަވާދޭގޮތްތައް، އޮންލައިންކޮށް ކިޔެވުމުން ލިބޭ ފަސޭހަތަށް މިބައިތަކުގެ މައްޗަށެވެ.


އިންޓަރނެޓް މެދުވެރިކޮށް ދުނިޔެގެ އެކި ކަންކޮޅުގައި ހުރި ތަޢުލީމީ މާހިރުންނާ ގުޅުން ބަދަހި ކުރެވުމެވެ. ޚާއްސަ ގޮތެއްގައި ތަޢުލީމީ ދާއިރާގައި ބޭނުން ކުރެވިދާނެ އާ ކަންތައްތަކެއް ދަސްވެގެން ދިޔައެވެ. އެންމެ ބޮޑަށް ހޯދާބެލީ އުނގެނުމާއި އުގަންނައިދިނުމާއި ގުޅުން ހުރި ޕްރޮގްރާމްތަކާއި، އެޕްރޮގްރާމް ބޭނުންކޮށްގެން ކިޔަވައިދޭނޭ ގޮތްތަކަކީ ފަސޭހަގޮތްތަކެއްކަން އިނގެގެންދިޔަކަމެވެ.  އެންމެ ފުރަތަމަ އޮންލައިންކޮށް ކިޔެވުމަށް ޓަކައި ކަންތައްތައް ކުރަންޖެހޭނެ ގޮތްތައް އެކުލެވިފާ ވާނެއެވެ.  މިގޮތުން އެސައިމެންޓު ހެދުމުގައި މަޢުލޫމާތު ނަގާފައިވާ ސައިޓުގެ ނަން ރިފަރެންސުގައި ހިމަނާފައިވާނެވެ.
 އަޅުގަނޑުގެ ދުޢާއަކީ މިއެސައިމެންޓުގެ ސަބަބުން އަޅުގަނޑަށާއި މިއެސައިމެންޓު ކިޔުއްވާ ފަރާތްތަކަށް މިރޮނގުން ރަނގަޅު މަޢުލޫމާތު ތަކެއް ލިބިގެންދިއުމެވެ.
އޮންލައިންކޮށް އުނގެނުމުގެ / ތަޢުލީމުގެ ފުރުޞަތު (ހިލޭ) ލިބިދޭ ބައެއްސައިޓްތައް
އޮންލައިންކޮށް އުނގެނުމަކީ ކޮބާ؟ 
އޮންލައިންކޮށް އުނގެނުމަކީ ކުލާސްރޫމަކަށްގޮސް ގަޑިނަގަންޖެހޭ އުޞޫލުން ކިޔެވުމުގެ ބަދަލުގައި އިންޓަނެޓް މެދުވެރިކޮށް އެމީހަކަށް ފަސޭޙަތަނެއްގައި ވަކިކުލާހަކަށް ހާޟިރުވުގެ ބަދަލުގައި އެމީހަކު އެތިބިތަނެއްގައި ތިބިގެންތަޢުލީމު ފޯރުކޮށްދިނުމެވެ. އޮންލައިންކޮށް ކިޔެވުމަށް ތަފާތު އެކި އެޕްލިކޭޝަންތަށް ހެދިފައިހުރެއެވެ. ވަރަށް އާދައިގެ އެޕްލިކޭޝަންތަކުން ފެށިގެންގޮސް ވަރަށް ފެންވަރު ރަނގަޅުކޮށް ހަދާފައިހުންނަ އެޕްލިކޭޝަންތައްވެސް ހުރެއެވެ.މިފަހަކަށް އައިސް ޕާރޓްޓައިމްކޮށް ތަޢުލީމީ ޕޮރުގްރާމްތަކުގައި ބައިވެރިވާ ދަރިވަރުންގެ ނިސްބަތްވަނީ ވަރަށް ބޮޑަށް އިތުރުވެފައެވެ. މި އިތުރުވުމަށް މަގުފަހިކުރުވާ ކަންކަމުގެ ތެރޭގައި، ތަޢުލީމު އުނގެނުމަށް ދާ ބޮޑު ޚަރަދު އަދި ފުލްޓައިމްކޮށް ކިޔެވުމަށް މާލީ އެހީގެ ދަތިކަންހިމެނެއެވެ. ހަމަމިއާއިއެކު ޔުނިވަރސިޓީތަކާއި ކޮލެޖުތަކަށްދާ ގިނަ ކުދިން މިހާރު އާއިލާ އާއި މަސައްކަތުގެ ކަންކަމުގައި މަޝްއޫލުވެގެން އުޅެން ޖެހެއެވެ. މަސައަކަތުގެ މައިދާނުގައި އެމީހެއްގެ މަޤާމު ދެމެހެއްޓުމަށްޓަކައި އަދި ގިނަ ކުދިންތަކެއްގެ ޑިމާންޑުތަކުގެ ސަބަބުން ގިނަ އިންސްޓިޓިއުޝަންތަކަކުން ދަނީ ޓެކްނޮލޮޖީގެ އެހީގައި ޕާރޓްޓައިމްކޮށް ކިޔެވުމުގެ މަގުފަހިކޮށްދެމުންނެވެ.

އޮންލައިންކޮށް ކިޔެވުމަށް މަގުފަހިކުރުވާ ބައެއްސައިޓްތައް
ޓެކްނޮލޮޖީއަށް އައިސްފައިވާ ކުރިއެރުން ތަކުގެ ސަބަބުން އޮންލައިންކޮށް ކިޔެވުމަށް މަގުފަހިކުރުވާ ސައިޓްތައް މިހާރު ވަރަށް ގިނައިން ހުރެއެވެ. އެގޮތުން ކިޔެވުމަށް ޚާއްޞަ ކޮށްގެން އުފައްދާފައިވާ ގިނަ ޢަދަދެއްގެ ސޮފްޓްވެރއާތައް މިހާރު އެބަހުއްޓެވެ.އަދި ހިލޭ ކިޔެވޭނެ އެކި ވެބްސައިޓްތައްވެސް މިހާރު ހުރެއެވެ.އެގޮތުން ފާހަގަ ކޮށްލެވޭ ބައެއް ސައިޓްތަކުގެ ތެރޭގައި

·        http://www.freemoodle.org/
·        https://www.edx.org/
·        https://alison.com/
މިސައިޓްތަކަކީ ފަސޭހަކަމާއެކު އޮންލައިންކޮށް ކިޔެވުމުގެ ފުރުޞާތުތައް ލިބެންހުރި ސައިޓްތަކެވެ. މިސައިޓްތައް ބޭނުންކޮށްގެން ތަފާތު އެކިކަހަލަ ރޮގުތަކުންކުރިއަށް ދިއުމުގެ މަގުތަނަވެސް ވެފައިވެއެވެ. މިއީ އޮންލައިންކޮށް ކިޔަވާމީހުންނަށް އިތުރަށް ލިބިގެންދާ ފަސޭހަތަކެކެވެ.

 އޮންލައިންކޮށް ކިޔަވޭދޭ ބައެއްސައިޓްތަކުން ކިޔަވާދޭގޮތްތައް
ޚާން އެކަޑެމީ 
ޚާން އެކަޑެމީ އަކީ 2006ގައި ސަލްމާން އަމީން ޚާން އުފެއްދި ހިިލޭސާބަހަށް މަސައްކަތްކުރާ އުނގަންނައިދޭ ޖަމިއްޔާއެކެވެ. ޚާން އެކަޑެމީގެ ފަރާތުން އުނގަންނައި ދިނުމަށް މައިގަނޑު ގޮތެއްގައި ބޭނުންކުރަނީ ވީޑިއޯ ތަކެވެ. މިހާތަނަށް ޚާން އެކަޑެމީއިން 6500 އަށް ވިރެ ގިނަ ވީޑިއޯ އުފައްދައިފައިވެއެވެ. މީގެ ތެރޭގައި ބޮޑަށް ހިމެނެނީ ހިސާބާއި ސައިންސްގެ މާއްދާތަކާއި ބެހޭ ވީޑިއޯއެވެ. ޚާން އެކަޑެމީގެ ޔޫޓިއުބް ޗެނަލަށް 2 މިލިއަނަށް ތުރެ ގިނަ މީހުން ސަބްސުކަރައިބު ކޮށްފާވާއިރު އެވީޑިއޯތަށް 650 މިލިއަނަށްތުރެ ގިނަފަހަރު ބަލައިފައިވެއެެވެ.
 

 ކޯސޭރާ.އޯރގް
 ކޯސޭރާ 2012 ވަނަ އަހަރު އުފެދުނު ކުންފުންޏެކެެވެ. ކޯސޭރާއިން ދުނިޔޭގެ ނަންމަޝްހޫރު ގިނަ ޔުނިވާރސިޓީ ތަކަކާއި ގުޅިގެން ގިނަ ޢަދަދެއްގެ ކޯސްތައް "މެސިވް އޯޕަން އޮންލައިން ކޯސަސް" (އެމް.އޯ.އޯ.ސީ.) ގެ ގޮތުގައި ހިންގައެވެ. މީގެތެރޭގައި ގިނައަދަދެއްގެ ދާއިރާތަކަށް ނިސްބަތްވާ ކޯސްތައް ހިމެނެއެވެ. އޭގެ ތެރޭގައި ފިސިކްސް، އިންޖިނިއަރިން، މެޑިސިން، ކޮމްޕިއުޓަރް ސައިންސަން، ބިސްސް ހިމެނެއެވެ. ކޯސޭރާގެ ކޯސްތަށް ހުންނަނީ ބައިވަރު ކުދި ވީޑިއާތަކެއްގެ ގޮތުގައެވެ. އަދި މީގެ އިތުރުން ލެކްޗަރާގެ ނޯޓުވެސް ލިބެެންހުރެއެވެ.

 ޔުނިވަރސިޓީ އޮފް ދަ ޕީޕަލް
ޔުނިވަރސިޓީ އޮފް ދަ ޕީޕަލްއަކީ އެމެރިކާގައި ރަޖިސްޓްރީ ކޮށްފައިވާ ހިލޭސާބަހަށް މަސައްކަތްކުރާ ޖަމިއްޔާއެކެވެ. ޔުނިވަރސިޓީ އޮފް ދަ ޕީޕަލްއިން މިހާރު ހުށަހަޅަނީ ކޮމްޕިއުޓަރ ސައިންސް އަދި ބިޒްނަސް އެޑްމިނިސްޓްރޭޝަންގެ ދާއިރާއިން ޑިގްރީ ކޯސްތަކެވެ. ޔުނިވަރސިޓީ އޮފް ދަ ޕީޕަލްއަކީ ދުނިޔޭގައި ހުރި ހަމައެކަނި "އޯޕަން އެޑިއުކޭޝަން ރިސޯސަސް" ޔުނިވަރސިޓީއެވެ.

 އެލިސަން

Add caption
ީއަކީ އަޔަރލޭންޑްގައި އުފައްދައިފައިވާ އީ ލާރނިން އެކަޑެމީއެކެވެ. އެލިސަންގައި އުނގެނެމުން އަންނަ ގިނަ ދަރިވަރުންނަކީ ތަރައްގީ ވަމުން އަންނަ ގައުމުތަކުގެ މީހުންނެވެ. މީގެ ތެރޭގައި ބޮޑަށް ހިމެނެނީ އޭޝިއާގެ ގައުމުތަކެވެ. މިއަހަރުގެ ފެެެބްރުއަރީ މަހުގައި އެލިސަންގައި 5 މިލިއަންވަނަ މީހާ ވަނީ ރަޖިސްޓަރ ވެފައެވެ. އެލިސަން މިހާރު 750އަށް ވުރެ ގިނަ ކޯސްތަށް ތަފާތު 10 ބަހުރުވައަކުން ފޯރުކޮށްދެއެވެ. މީގެ ތެރޭގައި ހިމެނެނީ ސެޓްފިކެޓް އަދި ޑިޕްލޮމާ ލެވެލްގެ ކޯސް ތަކެވެ. އެލިސަންއިން ކިޔަވައިދޭ މެޓީރިއަލް ފޯރު ކޮށްދެނީ ވީޑިއޯ އަދި ލެކްޗަރ ތަކެއްގެ ގޮތުންނެވެ.


މެމްރައިސް  
ް އުފެއްދި އެއްޗެހި ހިތުދަސްކުރުމުގެ "ގްރޭންޑް މާސްޓަރ" އަކާއި ޕްރިންސްޓަން ޔުނިވަރސިޓީގެ ނިއުރޯސައިންޓެސްޓެއް ގުޅިގެން 2009ވަނަ އަހަރުއެވެ. މައިގަނޑު މަގްސަދަކީ އެކި ތަފާތު ބަހުރުވަތައް ދަސްކޮށްދިނުމެވެ. މެމްރައިސްއަށް މެޓީރިއަލްސް ލަނީ "ކްރައުޑް ސޯސިން" މެދުވެރިކޮށެވެ. މީގެ މާނައަކީ މެމްރައިސްއަށް މެޓީރިއަލްތަށް އެއްކުރަނީ އެ ސައިޓަށް ވަންނަ މީހުންނެވެ. މެމްރައިސްގައިވާ އެއްޗެހި ދަސްކުރުމަށް މެމްރައިސްއިން ބޭނުން ކުރަނީ "ފްލޭޝް ކާޑް"އެވެ. މިއީ މައުލޫމާތުގެ މަދު މިންވަރެއް ކާޑެއްގައި ލިޔެ، ގިނަ ކާޑުތަކެށް ބޭނުންކޮށްގެން ދަސްކޮށްދިނުމެވެ. މެމްރައިސްއިން ދެކޭގޮތުގައި މި ގޮތަށް އެއްޗެހި ދަސްކުރުމުން އަވަހަށް ދަސްވެ ގިނަދުވަހު ހަނދާނުގައި ހުންނާނެއެވެ.




އެޑްއެކްސް
ްއަކީ "މެސިވް އޯޕަން އޮންލައިން ކޯރސް" (އެމް.އޯ.އޯ.ސީ.) މެދުވެރިކޮށް ކޯސްތައް ހުށަހެޅާ ވެބްސައިޓެކެވެ. އެޑްއެކްސް އުފައްދާފައިވަނީ އެމެރިކާގެ އެމް.އައި.ޓީ. އަދި ހަވާރޑް ޔުނިވަރސިޓީ ގުޅިގެން 2012ވަނަ އަހަރުގައެވެ. މިހާތަނަށް 70އަށް ވުރެ ގިނަ ސްކޫލުތަކުންނާއި، ޖަމިއްޔާތަކުން އަދި ކުންފުނިތަކުން 500އަށް ވުރެ ގިނަ ކޯސް ހެދެއެވެ. 2014 ވަނަ އަހަރުގެ ނިޔަލާއި ހަމައަށް 4 މިލިއަނަށް ވުރެ ގިނަ ދަރިވަރުން އެޑްއެކްސްގައި ރެޖިސްޓާރ ވެފައިވެއެވެ. އެޑްއެކްސްއިން ކޯސްތަށް ހިންގަނީ ކޯސް ބައިބަޔަށް ބަހާލައިގެން، ކޮންމެ ހަފްތާއަކު ބަޔެއްނަގާދޭ ގޮތަށެވެ. މިއިން ކޮންމެ ބައެއްގައިވެސް ވީޑިއޯތަށް ދައްކުވައިދީ އެޔާއި ގުޅޭގޮތުން "އިންޓަރެކްޓިވް" މަސައްކަތްތަކެށް ދަރިވަރުން ލައްވާ ހަދުވަިގެންނެވެ. މީގެ އިތުރުން ކޮންމެ ކޯހެއްގައިވެސް ދަރިވަރުންނަށް ފިލާވަޅުތަކާއި ބެހޭގޮތުން މަޝްވަރާ ކުރާނެ ފޯރަމްތައްވެސް ހުރެއެވެ.

 އޮންލައިންކޮށް ކިޔެވުމުން ލިބޭ ފަސޭހަތަށް
އޮންލައިންކޮށް ކިޔެވުމުން އަޅުގަނޑުމެންނަށް ވަރަށް ބޮޑެތި ފަސޭހަތަކެއް ލިބިގެންދެއެވެ.އަދި އިތުރަށް ކިޔެވުމަށް ކުދިންނަށް ލިބިގެންދާ ބޮޑު ބާރަކަށް ވެގެންދެއެވެ. ގޭގައިހުރެގެންނާއި ޢާއިލާ ކަންތައްތައް ބަލަހައްޓަމުން ކިޔެވުމުގެ ފުރުޞަތު ލިބިގެންދިއުމަކީ ގަޑިއަށް ހާޟިރުވާންނުޖެހި އޮންލައިންވެ އިނދެ ގަޑިގެންދިއުމަކީ މިކަމަށް ލިބިގެންދާ އިތުރު ފަސޭހައެކެވެ. އަދި  ދަތުރު ފަތުރުކުރުމުގެ ޚަރަދު ކުޑަވެ،އުފުލަން ޖެހޭ ތަކްލީފްނެތި، އެކަމަށް ހޭދަކުރެވޭ ވަގުތު ސަލާމަތްވާކަން އެއީ އޮންލައިންކޮށް ކިޔެވުމަަށް މަގުފަހިވެގެން ދާކަމެކެވެ. އޮންލައިންކޮށް ކިޔެވުމުގެ ފުރުޞަތު ލިބުމުން އެންމެ ބޮޑު ފަސޭހައެއް ލިބިގެން ދިޔައީ ކިޔެވުމަށް ފުރުޞަތު ނުލިބި ތިބިމީހުންނަށާއި  އެއްރަށުން އަނެއްރަށަށް ދަތުރުފަތުރުކޮށްގެން ކިޔަވަންދާ މީހުންނަށް ލިބިގެންދިޔަ ވަރަށް ބޮޑުކުރިއެރުމަކާއި ފަސޭހައެކެވެ. މިކަމުގެ ސަބަބުން ކިޔެވުމަށް ބޭނުންވެފަ ތިބި  ބަޔަކައް ފުރުސަތު ބޮޑުވެ ،މުޖުތަމަޢުގައި ތިބި ގިނަބަޔަކު މިކަމައް އަހުލުވެރި ވުމެވެ.


ރިފަރެންސް:
ww.alison.com








16 comments:

  1. އޮންލައިންކޮން ކިޔެވޭ ސައިޓްތަކާއިބެހޭގޮތުން އުރިން އިނގިފައިނުވާ މަޢުލޫމާތުތަކެއް ލިބިއްޖެ ޝުކުރިއްޔާ

    ReplyDelete
  2. މަޢުލޫމަތު މުއްސަނދި އާރޓިކަލެއް.......އޮންލައިންކޮށް ކިޔަވައިދިނުމަށް ލިބުނު އިތުރު އެހީއެއް ކަމަށް ޤަބޫލު ކުރަމެވެ.

    ReplyDelete
  3. މަޢުލޫމާތު ހޯދަން ވަރަށް މަސައްކަތް ކޮސްފައިވާކަން ފާހަގަ ކުރެވޭ! އޮންލައިންކޮށް ކިޔަވައިދޭ ސައިޓުތަކުން ޚިދުމަތް ފޯރުކޮށްދޭގޮތް ގެނެސްދީފައިވާގޮތް ވަރަށް ތަފްޞީލު .ކިޔަވައި ނިމުމުން ސެޓިފިކެޓް ލިބޭނެގޮތްވެސް ބުނެލެވުނުނަމަ ވަރަށް ފުރިހަމަވީސް! .

    ReplyDelete
  4. Online koh kiyeveyne goiythakeh engigen hingajje! dhevana faharah kiyaalai edit kohllinama rangalhuvees

    ReplyDelete
  5. Online koh kiyeveene maguthakeh fenigen hingajje! mi liun publish kurumuge kurinq dhevana faharah kiyaalai edit kohlinama varah ran'galhuvees

    ReplyDelete
  6. ماشاءالله! ވ.ރަނގަޅު މަސައްކަތެއް!މައުޟޫޢަށް ވަރަށް ފުންކޮށް ބައްލަވާލައްވާފައިވޭ، އަދި ލޭއައުޓްވެސް ވަރަށް ފުރިހަމަ އަދި އެހާމެރީތި! ކިޔަވާކުދިންނަށް މުހިއްމު މަޢުލޫމާތުތަކެއް ލިބޭނެ ލިޔުމެއްކަމަށް ޤަބޫލުކުރެވޭ، مرحبا!

    ReplyDelete
  7. ވަރަށް މުހިންމު މަަަޢުލޫމާތު ލިބިއްޖެ މިލިޔުންކިއާލުމުން، އޮންލައިންކޮން ކިޔެވޭ ސައިޓްތަކާއިބެހޭގޮތުން ކުރިން އިނގިފައިނުވާ މަޢުލޫމާތުތަކެއް ލިބިއްޖެ

    ReplyDelete
  8. ވަރަށް ފުރިހަމައަށް މައުލޫމާތުތައް ގެނެސްދީފައިވާ މަޒްމޫނެއް.

    ReplyDelete
  9. މަޢުލޫމާތު މުއްސަނދިވެގެން ދިޔަ ފުރިހަމަ ލިޔުމެއް

    ReplyDelete
  10. އޮންލައިްނކޮށް ކިޔޭވެ ފުރުސަތުތައް ވަރަށް ފަހިކޮށް ހުށައަޅާދެވިފައިވާ ފުރިހަމަ ލިޔުމެއް ކަން ފާހަގަ ކުރަމެވެ

    ReplyDelete
  11. އޮންލައިްނކޮށް ކިޔޭވެ ފުރުސަތުތައް ވަރަށް ފަހިކޮށް ހުށައަޅާދެވިފައިވާ ފުރިހަމަ ލިޔުމެއް ކަން ފާހަގަ ކުރަމެވެ

    ReplyDelete
  12. އޮންލައިންކޮށް ކިޔެވޭނެ މަގުތަކެއް ހުޅުވިފައި ހުރުމަކީ ވަރަށް މުހިއްމު ކަމެއް ކަމުގައި ދެކެމެވެ. އަދި މިފަދަ ވެބްސައިޓް ތަކުގެ މައުލޫމާތު ގިނަ ބަޔަކަށް ނޭނގޭނެއެވެ. އެހެންކަމުން ބުރަކޮށް މަސައްކަަތް ކުރައްވާ ބޭފުޅުންނަށް ޚާއްސަކޮށް މުދައްރިސުންނަށް ވަރަށް ބޭނުންތެރި މައުލޫމާތެއް ކަމުގައި ދެކެމެވެ. ވަރަށް ބޮޑަށް ޝުކުރިއްޔާ

    ReplyDelete
  13. އޮންލައިންކޮށް އުނގެނެން ބޭނުންކުރާ ވަރަށް ގިނަ ވަޞީލަތައް އެނގިގެން ގޮއްސި . މައުލޫމާތު ވަރަށް ފުރިހަމަ

    ReplyDelete
  14. އޮންލައިންކޮށް އުނގެނެން ބޭނުންކުރާ ވަރަށް ގިނަ ވަޞީލަތައް އެނގިގެން ގޮއްސި . މައުލޫމާތު ވަރަށް ފުރިހަމަ

    ReplyDelete
  15. ވަރަށް ފުރިހަމަ މައުލޫމާތުތަކެއް. އެކަމަކު ދެ ތަނެއްގައި ރެފަރެންސް ލިސްޓްގެ ލިންކުތައް ލެވިފައި އެބަހުރި. އެބައި އަލުން އެޑިޓްކޮށްލަން ފެނޭ.

    ReplyDelete
  16. އުނގެނެންބޭނުންވާ ވަރަށްގިނަ ވަޞީލަތްތައްއެގިގެންދާނެ ލިއުމެއް އޮންލއަންކޮށްއުނގެނެންބޭނުންވާ

    ReplyDelete